About Us
ណែនាំ
ការណែនាំអំពីសាលាព្រះគម្ពីរGood News
សាលាព្រះគម្ពីរGood News ដែលត្រូវបានបង្កើតឡើងដោយលោកគ្រូ បាក់ អុកស៊ូ នៅឆ្នាំ១៩៧៦ ក្លាយទៅជាសាលារបស់អ្នកផ្សាយដំណឹងល្អ និងគ្រូគង្វាលបេសកជនរាប់ពាន់នាក់ហើយ។ តាមរយៈការសង្កត់ធ្ងន់លើដំណឹងល្អដ៏បរិសុទ្ធនៃការប្រែចិត្ត និងការប្រោសឲ្យរួចពីបាប ដែលកត់ទុកនៅលូកា ជំពូ២៤ ខ៤៧ សាលាបណ្តុះបណ្តាលមានគោលបំណងចិញ្ចឹមបីបាច់ និងអប់រំគ្រូគង្វាលនៃដំណឹងល្អនាពេលអនាគត ដែលនឹងនាំពន្លឺរបស់ព្រះគ្រីស្ទទៅកាន់ពិភពលោក ដែលកំពុងស្លាប់នៅក្នុងអំពើបាប។ នៅក្នុងគ្រានេះ គ្រីស្ទសាសនាប្រឈមមុខនឹងឧបសគ្គយ៉ាងធំ ដូចជាព្រះវិហារជាច្រើនបានបាត់បង់សេចក្ដីជំនឿព្រះគម្ពីរពិត។ គ្រូគង្វាល និងព្រះវិហារដែលបានចាកចេញពីសេចក្តីពិតនៃដំណឹងល្អនៃព្រះគុណរបស់ព្រះ ផ្តោតលើការប្រព្រឹត្ដ ការងារមនុស្ស និងទំនាក់ទំនងសាសនា ជាជាងការតភ្ជាប់ដោយជំនឿ។ អ្វីដែលត្រូវការ គឺការប្រែចិត្តពិតក្នុងព្រះគម្ពីរ ត្រូវតែវិលត្រឡប់ទៅការជឿព្រះ ជាជាងជឿលើការប្រព្រឹត្ដរបស់មនុស្ស។ សាលាបណ្ដុះបណ្ដាលគ្រូគង្វាលដែលមានដែនកំណត់ក្នុងបេសកកម្មរបស់ពួកគេ និងមនុស្សដែលធ្លាប់ត្រូវព្រះអង្គហៅ ដើម្បីផ្សាយដំណឹងល្អលើពិភពលោកអាចរីកចម្រើនក្នុងវិញ្ញាណ។ ព្រះអង្គនឹងធ្វើការតាមរយៈអ្នកបម្រើទ្រង់។ បើសិនជាអ្នកបម្រើទ្រង់ដ៏ពិតម្នាក់នៃព្រះអង្គត្រូវបានបង្កើតឡើង យើងជឿថា ព្រះវិហារនឹងមានការផ្លាស់ប្ដូរ បន្ទាប់មកសមគមន៍ បន្ទាប់មកទីក្រុង បន្ទាប់មកប្រទេសនឹងមានការផ្លាស់ប្ដូរដែរ។ ដើម្បីចិញ្ចឹមអ្នកបម្រើទ្រង់ដែលនឹងប្រកាសដំណឹងល្អ និងការផ្លាស់ប្ដូរពិភពលោក សាលាព្រះគម្ពីរGood Newsមានតួនាទីជាទីបញ្ជាការខាងវិញ្ញាណសម្រាប់កងទ័ពរបស់ព្រះអង្គ។